Studiuesit italianë kanë zbuluar se një cigare e ndezur brenda në makinë e kthen atë në një “dhomë gazi”, edhe nëse xhamat janë të hapur.

Pas këtij konstatimi, studiuesit italianë iu përveshën punës për të zgjeruar edhe më shumë projektin e ndalimit të duhanit.

Sipas lajmit të publikuar në gazetën italiane “Corriere della Sera”, studiuesit kanë vërtetuar se pas ndezjes së cigares në makinë kemi 100 herë më shumë pluhur, 10 herë më shumë thërrmijëza dhe 3 herë më shumë përbërës organik.

Studimi zgjoi një interes të veçantë, duke pasur parasysh se këto të dhëna përbëjnë një rrezik shumë serioz për të sëmurët me azma dhe sëmundje zemre. Duke theksuar se hapja e xhamave të makinës nuk mjafton për të pastruar ajrin brenda saj, specialistët pohuan se nuk ekziston asnjë masë mbrojtëse e duhanpirësve pasivë.

Duke nënvizuar faktin se 60 % e duhanpirësve në Itali pinë cigare edhe kur janë në makinë, studiuesit sugjeruan zgjerimin e projektit për ndalimin e cigares.  / Start /