Trendet më të reja të cilat do të pasojnë në teknologjinë informatike janë pjesë e hapësirës debatuese dhe ekspozuese të Konferencën teknologjike të 9-të Majkrosoft Vizioni, e cila filloi sot në Shkup. Marrin pjesë rreth 700 kryerës kyç në teknologjinë informatike, profesionistë TI, programues, menaxherë, entuziastë të cilët janë me orientim të TI.

Gjatë konferencës dyditore do të mbahen 36 ligjërata të ekspertëve nga biznesi IT në disa tërësi tematike.

Fokusi i konferencës do të vihet në zgjidhjet teknologjike ekzistuese dhe të reja të cilat mundësojnë ristrukturimin dhe konsolidimin e sistemeve te shfrytëzuesit, shfrytëzim më efikas të resurseve harduerike dhe softuerike përmes zbatimit të virtuelizimit, kursimit të energjisë, zvogëlimit të emisioneve të CO2.

Sipas drejtorit të Majkrosoft Maqedonis, Iliano Gagovski, pjesë e debateve do të jetë koncepti i konsumerizimit të teknologjisë informatike si mënyrë për kyçjen e TI trendeve të reja në mjedisin korporativ.

"Shfrytëzuesit gjithnjë e më shumë janë mësuar me mënyrën e re të komunikimit e cila personifikohet në pajisjet celulare në njërën anë dhe në rrjetet sociale në anën tjetër. Shumë shpesh kur vijnë në mjedis të caktuar korporativ gjejnë aplikacione të gjeneratës më të vjetër që shpesh çon deri te frustrimet. Më herët shfrytëzuesit përvojat më të mira me teknologjinë informatike i kanë pasur në punë, por tani shumë shpesh i kanë në shtëpi dhe dëshirojnë t'i bartin në punë", sqaroi Gagovski.

Në kuadër të Vizionit 9 mbahet edhe Microsoft Innovation Forum me temë Microsoft and Green IT. Qëllimi është të demonstrohet se si shfrytëzimi i teknologjive të Majkrosoftit mundëson zvogëlimin e konsumit të energjisë elektrike, optimizimit të resurseve dhe zvogëlimit të CO2 emisionit.

Daniel Sas, drejtor kryesor ekzekutiv i Telekomit të Maqedonisë, partner i konferencës, vlerësoi se është shembull i mirë për bashkëpunimin e kompanive të suksesshme të cilat duhet ta ndjekin edhe kompani të tjera në Maqedoni.

Ngjarjet si kjo, theksoi Sas, e prezantojnë botën e inovacioneve në të cilën jetojmë sot në industrinë e telekomunikimeve dhe në teknologjinë informatike.