Ky film është fitues i “Ariut të Argjendtë” në festivalin e Berlinit

Premiera botërore e filmit “ Falja e Gjakut” pas Tiranës është mbajtur dhe në qytetin e Shkodrës. Ky film i cili ka përcjellë një jehonë mbarëbotërore me regji të regjisorit të famshëm amerikan Joshua Marston dhe me skenar të Andamion Murataj dhe Joshua Marston ka mbërritur dhe në Shqipëri. Regjisori i këtij filmi Joshua Marston dhe bashkëskenariti Andamion Murataj u shprehen para publikut se ky film nuk mund të vinte i suksesshëm pa dëshiren e madhe e të gjithëve për të bërë dicka të bukur.

Protagonistët kryesor të këtij prodhimi kinematografik shprehen mjaft të kënaqur me mënyren se si spektatori në Shkodër e ka pritur por edhe për një arsye tjetër së ky në vendin e origjinës.

Ndërkaq një kontribut të vecantë në realizimin e këtij filmi ka patur edhe drejtoria Rajonale e Arsimit Shkodër pasi ka ofruar mundësin e realizimit të një numri të madh audicionesh nëpër shkollat e ndryshme ne Shkodër.

“ Falja e gjakut” fituese e “Ariut të Argjendte” në festivalin e Berlinit është një shfaqje reale e jetës mes katër murëve. Ngjarjet tronditëse të familjeve tona vijnë përmes lojës brilante të kastës së aktorëve, Tristan Halilaj, Sindi Laçej, Ilire Vinca- Çelaj, Refet Abazi, Çun Lajçi etj. Plaga e gjakëmarrjes, ngujimi I fëmijëve, eshte ky me pak fjale subjekti qe percjell emocion.Filmi “ Falja e Gjakut” në Janar të vitit që vjen pritet të shfaqet dhe në Kinematë Amerikane, ndërsa gjatë dy muajve në vazhdim do te vijoje te jete në kinematë në vend si dhe në Kosovë.