Edhe pse ende nuk ka konfirmime zyrtare në Kupertino, mendohet se dalja në shitje e iPhone 5 do të ndodhë kah fundi i muajit shtator ose në fillim të tetorit.

“Vetëm ditët na presin nga dalja e iPhone 5 në treg”, thonë burime të paemëruara në “Apple”, sipas të cilave modeli i ri do të ketë pamjet krejtësisht tjetër nga versioni i tanishëm, pasi pritet të jetë më i gjerë, që i jep mundësinë për ekran më të madh.

Nëse do të jetë kështu, apo jo, është pyetje e cila ende nuk ka marrë përgjigjen. Por, duket se kamera me tetë megapiksel dhe çip dual A5, të cilët tashmë janë të pranishëm në iPad 2, kanë siguruar vendin e vet në iPhone5.

Javën e kaluar ishte përfolur se prodhimi i iPhone 5 ka arritur në 150 mijë ekzemplarë në ditë.