Direkt nga “Keynote Intel Developer Forum” i San Francisco vjen një prototip i asaj që do të jetë sistemi i ushqimit të PC, të “smartphone”-ve dhe të tabletave të së ardhmes. Bëhet fjalë për një sistem në gjendje për të funksionuar ekskluzivisht falë energjisë diellore të “mbledhur” gjatë ditës, por edhe e përqendruar nga një pikë drite artificiale, si një lampadar normal.

Për të arritur në këtë rezultat, inixhinierët e Intel kanë përdorur një procesor që funksionon me voltazh tepër të ulët dhe që ende nuk është prezantuar para publikut. Ky procesor (me mikro-arkitekturë Haswell) ka një teknologji prej 22nm dhe është në gjendje të reduktojë konsumin plot 20 herë në krahasim me procesorët aktualë Ivy Bridge. Administratori i deleguar i Intel, Paul Otellini ka deklaruar se e gjithë kjo do të jetë e disponueshme për publikun vetëm brenda vitit 2013.