Këshilli i Rinisë Evropiane të Kosovës ka nënshkruar një memorandum bashkëpunimi me korporatën gjermane për ndriçim solar ESC-INTERNCIONAL për punësimin e 70 të rinjve dhe studentëve nga Kosova. Kjo ndërmarrje gjermane tashmë ka hapur përfaqësinë e saj në Kosovë dhe ajo do të merret me zëvendësimin e dritave publike të zakonshme me drita solare pa shpenzime të energjisë elektrike.

Memorandumi  u nënshkrua nga presidenti i Këshillit të Rinisë Evropiane të Kosovës,  Avdullah  Hasani, dhe Klus Lahr, president i bordit të ESC-INTERNATIONAL, i cili tha se është i lumtur që viziton Kosovën dhe nënshkruan një marrëveshje të tillë, me të cilën nuk do të përfitojë vetëm ai dhe biznesi i tij, por edhe të rinjtë e Kosovës. Sipas tij, me këtë memorandum të rinjtë kosovarë që do të përzgjidhen nga Fakulteti Teknik do të kenë mundësi të shkojnë për vizita studimore në vende të ndryshme të Evropës, të fitojnë praktika të ndryshme dhe ato t’i sjellin në Kosovë.