Festivali i Aktrimit Apollon 2011 ka ulur siparin e edicionit të 10 të tij. Në mbrëmjen gala, çmimin për aktrimin më të mirë e ka marrë aktorja greke, Dhespina Sarafilla dhe aktori më i mirë rumuni Remus Manza që është vlerësuar me trofeun e festivalit për vitin 2011.

Ndërkohë që si aktorë jo protagonistë janë vlerësuar Fatmir Xhelili dhe Klea Konomi. Në këtë edicion morrën pjesë 6 trupa teatrale nga vendi dhe rajoni.

Kjo mbrëmje gala është kryqëzuar me një tjetër aktivitet po kaq të rëndësishëm kulturor artistik që merr jetë në mjediset e qytetit antik të Apollonisë tashmë prej disa vitesh Netët Apolloniane, i cili përmbledh një shportë performancash artistike të të gjitha zhanreve që do të përfshijë tre vjet jete artistike në qytetin antik të Apollonisë.