Para fillimit të IFA samitit i cili fillon sot, Samsung-u shfaqi një “tablet” dhe një model të ri të telefonave të mencur. Cfarë ofrojnë Galaxy Tab 7.7 dhe Galaxy Note?

Samsung P6800 Galaxy Tab 7.7.

“Tablet” i ri i Samsung-ut ka ekran SuperAMOLED Plus me madhësi diagonale 7.7 inc dhe rezolucion prej 1280X800 piksell. Ndoshta kështu numrat si numra nuk ju duken kushedi se cka, por gjëja më impresive është se japin ngushticë më të madhe të piksellit në inc të cilën e ka pasur ndonjëherë ndonjë ekran i mëparshëm i ndërtuar në “tablet” (196ppi). Në krahasim me iPad i cili ka 169 ppi.
Galaxy Tab 7.7 ka processor me shpejtësi punuese prej 1.4GHz, 1GB RAM, kamerë me rezolucion prej 3 megapiksellëve e cila incizon video prej 720p rezolucion, 16GB memori të brendshme dhe punon në Android 3.2 Honeycomb.

Samsung Galaxy Note.

Pajisja duket sikur dicka në mes telefonit dhe “tablet” për shkak të madhësisë së saj.
Ekrani është me madhësi në diagonale prej 5,3 ince. Pajisja punon në Android 2.3.4 Gingerbread, ka procesor prej 1.4GHZ, 1GB RAM, kamerë me rezolucion prej 8 megapiksellëve e cila incizon video me rezolucion prej 1080p.
Samsung-u ende nuk ka përhapur informacione se kur do të dalin të dy pajisjet në shitje.