Kadillak planifikon të vijë me një makinë elektrike kompakte, bazuar në Chevrolet Volt. Diten e mërkurë, General Motors tha se Kadillak ELR do të përdorë një "drivetrain" të ngjashëm me atë të zhvilluar në Chevrolet Volt, i cili do t′i mundësojë modelit të ri të udhëtojë njëfarë distance nëpërmjet energjisë elektrike përpara se një motor benzine të nisë të veprojë si një gjenerator.

Një sistem i tillë është quajtur nga GM, "gamë e zgjeruar e automjeteve elektrike". Chevrolet Volt mund të shkojë 35 milje me energji elektrike përpara se motori fillon dhe e zgjeron atë me të paktën 300 milje shtesë.

Prodhuesi i makinave nuk ka lëshuar informacione në lidhje me çmimin ose kur do të hidhet në treg.