Festivali Ndërkombëtar i Filmit në Toronto këtë vit do të vërshohet nga yjet e kinematografisë botërore. Billy Nighy dhe Rachel Weisz që do të paraqiten me filmin e tyre për spiunazhin “Page Eight”.

Regjisori Ralph Fiennes, Micheal Gambon e Judy Davis janë të tjerë yje të cilët luajnë së bashku në filmin “Page Eight” e që do të zbarkojnë në Toronto. Festivali Ndërkombëtar i Filmit në këtë qytet, që është njëra prej ngjarjeve kryesore të kinematografisë në botë do të fillojë më 8 dhe do të zgjasë deri më 18 shtator.

Të tjerë filma që në Toronto sjellin emra të mëdhenj janë trileri “Trespass” me Nicole Kidman e Nicolas Cage në rolet kryesore, ndërkohë që drama “Winnie” do të sjellë në Toronto Jennifer Hudson e Terrence Howard. Filmi që flet për një misionar me regji të Gerard Butler “Machine Gun Preacher” do të jepet gjithashtu gjatë festivalit. Yjet si Jason Statham e Robert De Niro do të jenë gjithashtu të pranishëm në festival. Po këto yje nuk janë e tëra. “Killer Elite” do të sjellë yjet e filmit si Maggie Gyllenhaal, ndërsa Hugh Dancy do të përfaqësojë filmin komedi “Hysteria”.

Përpos aktorëve dhe regjisorëve të njohur në Festivalin Ndërkombëtar të Filmit në Toronto do të jepet edhe filmi dokumentar “From the Sky Down” që është një portretizim për bendin “U2”. Ky dokumentar do ta hapë festivalin dhe është paralajmëruar edhe pjesëmarrja e bendit.