Microsoft ka filluar javën e fushatës së vet PR (Mardhëniet me Publikun) duke e theksuar një studim që e paraqet shfletuesin e vet Internet Explorer 9 në vendin e parë.

Studimi, i kryer nga grupi i pavarur NSS, kreu një test në mbrojtjen e sulmeve keqdashëse në mesin e pesë shfletuesve më të njohur, garë kjo u kryesoi Internet Explorer 9. Pse? Kur Microsoft ishte duke punuar në teknologjinë “SmartScreen” që ishte përgatitur në IE9, kishte një qëllim.

SmartScreen, sipas ndërmarrjes Redmond, “ndihmon përdoruesit në mbrojtjen nga sulmet keqdashëse të monitoruara socialisht duke i ndaluar ato përpara se të kenë mundësi për ta infektuar PC-në tuaj:” Rezultatet e testit NSS duket që e kanë vërejtur atë.

Hapësira në mes të fitorës së Internet Explorer 9 dhe shfletuesit të dytë është mjaft e madhe. Me këtë version të këtij shfletuesi paraqitet një shkurorëzim nga e kaluara paraprake dhe tani është duke shkuar më tej drejt fushave të caktuara të sigurisë, gjë e cila mund të shkaktojë ngritje të numrit të përdoruesve.

Sipas Hitslink, IE9 ka vetëm 6.8% të tregut të përgjithshëm të shfletuesve. Dhe kjo pasi që Microsoft i shtyen përdoruesit drejt këtij shfletuesi nëpërmjet përditësimeve të sistemit të tyre Windows dhe nëpërmjet fushatave të mëdha të reklamimit. Ky është një numër mjaft i vogël. IE8 ka 29.23% të tregut.