Regjisori i njohur nga Bangladeshi, Tareque Masud, ka humbur jetën në një aksident që ka ndodhur në afërsi të kryeqytetit të vendlindjes së tij, Dhaka. Masud, 54- vjeçar, ka ndërruar jetë të dielën bashkë me tre persona të tjerë kur minibusi në të cilin ndodheshin u përplas me një autobus.

Bashkëshortja e tij, producentja Catherine Masud, ka marrë lëndime serioze në këtë aksident, sikurse edhe artisti Dhali al Mamun. Filmi “The Clay Bird” i Masudit, është shpërblyer me çmim në Festivalin e Filmit në Canne në vitin 2002 dhe ishte përfaqësuesi i Bangladeshit për “Oscar” në kategorinë e filmave të huaj për vitin 2003. Filmi rrëfen historinë e një djaloshi të ri, i cili jeton në një shkollë fetare islamike. “The Clay Bird” ishte refuzuar nga Qeveria e Bangladeshit, sipas së cilës filmi i jep imazh të keq sistemit të shkollit fetar. Filma të tjerë të Masudit përfshijnë “Words of Freedom” dhe “Homeland”.