Vetëm dy rrjete shoqërore ofrojnë mbrojtje për profilet e minoreneve. Rezultatet janë paraqitur në një raport të publikuar nga Komisioni Evropian. Neelie Kroes, zv.presidente e Komisionit Evropian dhe komisioneve për Axhendën Dixhitale është shprehur e shqetësuat lidhur me faktin se shumë rrjete shoqërore nuk ofrojnë siguri për minorenët. Ajo ka bërë të ditur se kjo gjë do të rregullohet me hartimin e një ligji.

“Të rinjtë nuk i kuptojnë të gjitha pasojat për zbulimin e shumtë të jetës së tyre personale në internet. Informimi dhe udhëzimet e prindërve janë të nevojshme, por ne kemi nevojë për t’i mbështetur deri sa të rinjtë mund të marrin vendime bazuar në vetëdijen e plotë të pasojave”, tha Kroes.

Zv.presidentja e KE-së, bëri me dije se “shumica e rrjeteve sociale po dështojnë në sigurimin e mbrojtjes për profilet e minorenëve”. Vetëm rrjetet, Bebo dhe MySpace, sigurojnë një gjë të tillë deri tani sipas një testi për 14 rrejte shoqërore, ku bënte pjesë edhe Facebook. Mundësia për të bërë shënim (tagg) në foto krijon lehtësira për të gjetur foto në rrjetet shoqërore. /shekulli/