Kompania e software-it me qendër në Luksemburg, Skype duket të jetë venë në shënjestër të dy gjigandëve amerikanë Facebook dhe Google.

Sipas të dhënave të fundit, thuhet se gjigantët e internetit, Google dhe Facebook janë në garë për ta blerë shërbimin e famshëm për biseda direkte në internet, Skype.

Një prej dy burimeve të pavarura që kanë kontakte të drejtpërdrejta me negociatorët ky zhvillim ndodhi për shkak të faktit se konferenca në internet solli vonesa në ofertën publike të bashkëpunimit.

Ndërsa, një burim tjetër thotë se Facebook dhe Google janë duke menduar të arrijnë në një marrëveshje bashkëpunimi dhe të krijojnë një kompani telekomunikimi, e cila më pas do të bëhej pronare e Skype.
Sipas burimit të parë, vetë themeluesi i Facebook, Mark Ζuckerberg po merr pjesë në negociatat e brendshme.

Deri tani zyrtarët e Skype nuk kanë pranuar të komentojnë mbi këtë çështje.

Sidoqoftë cilado prej kompanive do ta blinte shërbimin Skype, do të përfitonte miliona përdorues të rinj të cilët tashmë janë anëtarë të këtij shërbimi dhe e përdorin atë rregullisht.