Senati amerikan mbrëmë e miratoi Ligjin për zvogëlimin e buxhetit të ri për rreth 38 miliardë dollarë, pasi që paraprakisht të njëjtën e bëri edhe Dhoma përfaqësuese. Pasi që plani është miratuar në të dy dhomat e Kongresit të SHBA-së, ai do të nënshkruhet nga presidenti Barak Obama. Shefi i shtetit, në fjalimin në Shtëpinë e Bardhë, theksoi se ky është zvogëlimi më i madh buxhetor në historinë e SHBA-së, ndërsa marrëveshja është arritur pasi që u bashkuan amerikanët me bindje të ndryshme. Senati e pranoi propozimin me 81 përkundër 19 votave pas mosmarrëveshjeve disamujore mes demokratëve dhe republikanëve, përderisa në Dhomën përfaqësuese mbështetjen e dhanë 260, ndërsa kundër ishin 167 kongresmenë. Me këtë ligj parashikohet zvogëlimi i programeve shëndetësore, subvencioneve për sektorin policor, për Agjencinë për mbrojtje të mjedisit jetësor dhe shpenzime tjera sociale. Ministria amerikane e Mbrojtjes do të fitojë një rritje të vogël  të buxhetit, si dhe programet e veteranëve. MIA