Kur ndjeni që stomaku juaj ka uri, pa marrë parasysh a ju hahet diçka e kripur apo e ëmbël, për këtë fundjavë festive ju sugjerojmë, përveç të tjera të keni edhe petullat.

Materiali i nevojshëm:
kripë,
2 gota miell
1,5  gotë qumësht
2  vezë
vaj

Përgatitja:

Në një enë të thellë në fillim rrahim vezët dhe pasi të jetë bërë masa shtojmë qumështin dhe miellin. Masa e petullave mund të përgatitet me një mikser ose tel kuzhine,  por për të fituar një masë të njëjtë më mirë  përdorni mikserin. Është mirë që masës t’ i shtoni pak vaj që mos ngjitë në tigan.

Masa e këtillë  (e cila relativisht duhet e të jetë e lëngshme, që do të thotë se mund të shtoni ose të merrni nga përbërësit e lartpërmendur), ena mbulohet me kapak dhe lihet  të qëndrojë në frigorifer rreth një orë. Mandej marrim një tigan  cefloni ( ku gjatë pjekjes herë pas here) shtojmë pak vaj.
 
Në varësi nga madhësia e tiganit, me ndihmën e garuzhdës në tigan hidhet aq sasi sa ta mbulojë tiganin e nxehur. Nëse dëshironi petulla më të trasha, duhet ta keni parasysh se ato duhet të piqen më gjatë.
 
Petullat janë ideale për çdo rast, të ëmbla apo të kripura, si meze kur keni mysafirë, për mëngjes, drekë ose darkë. Mos u brengosni nëse keni bërë më shumë se sa duhet, sepse gjithmonë mund t’i fusni në frigorifer dhe sërish t’i ngrohni. Bërja e petullave mund t’ju marrë kohë, mirëpo është shumë këndshëm nëse i përgatisni me  shoqëri,dhe nëse nuk dini se si ta ktheni tiganin do të mund ta mësoni shumë shpejt.