ROMË- Një zemër artificiale e përhershme iu vendos për herë të parë në botë një adoleshenti 15-vjeçar në spitalin e fëmijëve "Jesus" në Romë, njoftoi sot agjencia italiane Ansa.

Ndërhyrja u krye të enjten nga ekipi i kardiokirurgjisë së spitalit. E reja kryesore qëndron në faktin që zemra e vënë nuk është e përkohshme, siç ndodh zakonisht, por e përhershme. 
Sipas ekspertëve, zemra artificiale e përkohshme përdoret zakonisht për t'i ndihmuar të sëmurët në pritje të një zemre të përshtatshme për një transplantim. Këtë herë, kardiologët e Romës preferuan të vendosin një zemër artificiale të përhershme. /balkanweb/