Për shkak të reshjet e mëdha të borës dhe temperature të ulëta, komuna e Tetovës ka shpallur gjendje të jashtëzakonshme ndërsa ka miratuar edhe vendimin për ndërprerjen e procesit mësimor në arsimin fillor dhe të mesme. Mësim nuk do të mbahet deri ditën e premte ndërsa orët e humbura mësimore do të kompensohen gjatë sezonit veror, ka bërë të ditur kreu i komës së Tetovës, Sadi Bexheti

Ai gjithashtu kërkoi ndihmën e banorëve për të përballuar gjendjen e rëndë që mbretëron në këtë komunë. “Komuna e Tetovës ka shpallur gjendjen e jashtëzakonshme dhe jemi në përgatitje të një rrethi edhe të qytetarëve që do na ndihmojnë përveç NPK edhe ne do jemi në gjendje gatishmërie 24 orë sidomos për pjesën malore të Tetovës. Shkaku i gjendjes së jashtëzakonshme dhe të reshurave të mëdha të borës, morëm vendim me sektorin e arsimit që të mos ketë mësim tërë javën pra deri më datë dhjetë shkurt, kështu që mësimi do zëvendësohet gjatë ditëve më të mira”, tha Sadi Bexheti, kryetar i Komunës së Tetovës. Ndërkohë vendim të njëjtë mori  ndërprerjen e procesit mësimor ka miratuar  edhe komuna e Gostivarit: ”Vendimi i këtillë është marrë pas paralajmërimeve se pesë ditët e ardhshme do të shoqërohen me temperatura të ulëta dhe reshje të bores” thuhet në një njoftimin e komunës. Ndërkohë  sipas të dhënave të entit meteorologjik trashësia e borës në zonat e ulëta të këtyre dy komunave gjatë paradites së sotme ka qenë 30 centimetra ndërsa në zonat e thella edhe më e lartë, por këto të dhanë tashmë kanë ndryshuar për shkak të reshjeve intensive të borës.