KB Liria e nisi me disfatë javën e parë të Super Ligës, duke pësuar në terrenin e Torusit me rezultat 78-73. Janë 5 pikë diferencë , të cilët i shënuan vendasit edhe në përballjen e parë në pjesën e rregullt të sezonit, kur mbyllën ndeshjen me rezultat 76-71, mirëpo tani ishte ndryshe

Themi kështu pasi sfida ishte tërësisht e barabartë dhe skuadrat ndërroheshin në epërsi. Çereku i parë i takoi Lirisë, e cila tregoi vendosmërinë që të arkëtojë fitoren e parë, mirëpo në vazhdim vendasit shtrënguan mbrojtjen dhe përmbysën diferencën, ndrsa të dy ekipet shkuan në pushim me rezultat baraz 39-39. Në fillim të pjesës së dytë, Torusi krijoi epërsi 6 pikëshe, pasi mbylli çerekun e tretë me rezultat 19-13. Ndërkohë fundi i takoi skuadrës së Lirisë, e cila përpos që përmbysi avantazhin e vendasve, kishte edhe epërsi në disa çaste. Mirëpo në ato momente vendimtare, në skenë dolën arbitrat e ndeshjes, të cilët në mënyrë drastike dëmtuam Lirisë. Në këtë periudhë të lojë arbitrate akorduan disa ndërhyrje me qëllim të basketbollistëve të Lirisë, duke ndikuar në atmosferën në terren dhe duke sjellë nervozizëm në radhët e Lirisë. Kjo rezultoi në terren dhe në vazhdim të   ndeshjes, e cila për fat të keq, u humb nga Liria.  Mirëpo ende ka vend për përmirësim, pasi është vetëm java e parë e Super Ligës, ndërsa rastin e parë për të përmirësuar përshtypjet, Liria do të ketë javën e ardhshme, më 11 shkurt në përballjen me Kumanovën, e cila përgatiti një befasi të madhe këtë javë, duke mundur skuadrën e Feni Industrit me rezultat 92-88, ndërsa sfida në kohën e rregullt, u mbyll me barazim 78-78. Ndërkohë në derbin e madh lokal, MZT Skopje mundi Rabotniçkin me rezultat 88-69, duke u pozicionuar kështu në vendin e parë të tabelës së klasifikimit me pikë të njëjta si edhe Feni Industri.