Ekipet e shërbimit dimëror të Qytetit të Shkupit mbrëmë kanë hedhur 115 tonë kripë në rrugët e qytetit. Bora është pastruar nga rrugët kryesore, urat, qarkoret dhe nga të ashtuquajturat pika të zeza, në mënyrë që të parandalohet dukuria e ngrirjeve.

"Ekipet e Qytetit të Shkupit dolën në terren me 15 automjete pastruese dhe për hedhjen e kripës dhe deri më tani i pastruan të gjitha bulevardet në kompetenca të Qytetit të Shkupit, qarkoret "Diamant", "Kontinental" dhe "Tërfili", të gjitha urat, rrugët "Nikolla Karev", "Vostaniçka" dhe "Salvador Alende", nënkalimin drejt lagjes Butel, informon Qyteti i Shkupit.
Shtabi i krizës i shërbimit të Qytetit të Shkupit sot do ta ndjekë gjendjen në terren dhe do të intervenojë sipas nevojave.