Kryetari i komunës së Tetovës, Prof. Dr. Sadi Bexheti, gjatë vizitës së tij zyrtare në SHBA është takuar me kongresmenin Eliot I Engel. Kongresmeni Engel kishte njohuri për qytetin e Tetovës pasi që vite më parë kishte qëndruar për vizitë në këtë qytet, dhe është ndër të parët që kishte shprehur mendimin se në Tetovë duhet universitet për shqiptarët.

Gjatë këtij takimi, kryetari Bexheti ka njoftuar kongresmenin Engel me projektet e rëndësishme për qytetin e Tetovës, ndërsa ai është shprehur për përkrahje dhe ndihmë të parezervë në të ardhmen. Kongresmeni Engel njihet për përkrahjen e madhe që u ka dhënë shqiptarëve në kohëra të vështira.

Ndryshe, gjatë qëndrimit të tij zyrtarë në SHBA, kryetari i komunës së Tetovës, Prof. Dr. Sadi Bexheti do të ketë një sërë takimesh me kongresmenë dhe funksionarë të lartë të departamentit të shtetit amerikan, ndërkaq gjatë ditës së enjte do të merr pjesë në Mëngjesin e Lutjeve ku do të jetë i pranishëm edhe presidenti Barack Obama.