Disa lëkundje të lehta toke janë ndier në kryeqytetin e Shqipërisë mëngjesin e së martës, bëjnë të ditur mediat shqiptare.

Sipas të dhënave të Institutit Sizmologjik, lëkundja e parë është ndier rreth orës 04:30, me një magnitudë prej 2.9 ballë e shkallës Rihter. Epiqendra e tërmetit është lokalizuar 15 km në veri të qytetit të Librazhdit. Ndërkohë, një tjetër lëkundje më e fortë, me magnitudë 3.6 ballë, është regjistruar në orën 06:15 minuta. Nuk ka pasur raportime në lidhje me dëme materiale apo të lënduar.