Si duket kryesia e Shkëndijës më është pajtuar me skuadrën momentale që posedon. Këtë vetë fakti e tregon që edhe pas 27 ditëve të fillimit zyrtarë të merkatos dimërore ende nuk ka ardhur asnjëri lojtar prej atyre premtimeve të dhëna ditë me radhë nëpër mediumet, përpos rikthimit të Kemal Alomerovic, i cili pas 6 muajve u rikthye në taborin e Shkëndijës.

Edhe përkundër paralajmërimev se skuadrës do ti bashkangjitet një argjentinas dhe dy sërb, asnjëri prej tyre nuk arritën në Tetovë. Gjithashtu edhe Armend Alimi dhe Ertan Demiri nuk do të bashkangjiten Shkëndijsë, ku tashmë edhe zyrtarisht Armend Alimi ka nënshkruar kontratë me skuadrën Orebro të Suedis, ndërsa Ertan Demiri do të rikthehet në Arabinë Saudite.

Në lidhje me situatën tashmë edhe nga kryesia më nuk kanë dhënë asnjë deklaratë në lidhje me transferet, ndërsa së fundmi drejtori sportiv Besir Shaqiri deklaron për sport, se skuadra që posedojnë është e mjaftueshme për stinorin pranveror./TeLajmi.com/