Mbrojtësi i Fatmir Limajt, Tahir Rrecaj ka paralajmëruar për gazetën “Epoka e re” se gjatë seancës së sotme të Rastit “Kleçka” që pritet të fillojë rreth orës dhjetë, çështja kryesore do të jetë pranueshmëria si prova ose jo e dëshmive të “Dëshmitarit X”.

Rrecaj ka thënë se mbrojtja e Limajt është e  përgatitur për t’i hedhur poshtë këto dëshmi, në mënyrë që ato të mos njihen si prova që do të përdoren në gjyq.

Sipas Rrecajt, mbrojtja papranueshmërinë e këtyre dëshmive e ka argumentuar për gjykatën me shkrim, ndërsa sot të shkruarat e saj do t’i mbrojë me gojë.

Në seancat e mëparshme, mbrojtja ka kërkuar edh zhvleftësimin e 47 dëshmive që prokurori Salustro i ka marrë pas nisjes së procesit gjyqësor, pasi kjo me ligjet e aplikueshme të vendit tonë, nuk lejohet.

Fatmir Limaj me nëntë  bashkëluftëtarët e tij, kështu do ta vazhdojë luftën e tij për liri.

Për lirimin e këtyre njerëzve, do marshojnë sot në mesditë nga kompleksi universitar e deri te teatri, studentët e Universitetit të Prishtinës.