Ka ndërruar jetë në moshën 93 vjeçare ish presidenti i Italisë, Oskar Luixhi Skalfaro. Ai ka ndërruar jetë mbrëmjen e djeshme në Romë.

Lajmi është dhënë për mediat nga parlamenti ialian. Skalfaro ka lindur në 9 shtator 1918 në qytetin e Novarës  dhe shërbeu si president nga viti 1992 deri në vitin 1999. Pas mbarimit të studimeve në drejtësi, që prej vitit 1943 dhe deri në ditët e fundit të jetës Skalfaro ka qenë aktiv në politik. Ai cilësohet si shembulli i korrektësisë dhe integritetit moral. Homazhet për të do bëhen nesër në kishën e Santa Maria në Trastevere të Romës. Ai vizitoi shqipërinë në vitin 1996.