Ndërkohë Komisionit për marrëdhënie ndërmjet bashkësive në Strugë sot ka mbajtur një mbledhje për të shqyrtuar situatën e fundit.

Me këtë rast ky komisionit propozon që kryetari i Komunës së Strugës në kohë sa më të shpejtë të takohet me homologun e tij nga Vevçani që të bisedojnë për situatën e posa-krijuar, dhe të dalin me qëndrim të përbashkët. Gjithashtu është kërkuar që përfaqësuesit e Myftinisë së Strugës me ndërmjetësim të Kryetarit të Strugës të takohen sa më shpejtë me kryetarin e Komunës së Vevçanit si dhe me organizatorët e karnavalit. Po ashtu ky komision bën apel që të mbahet një seancë e Këshillit të Komunës ku do të debatohet për marrëdhëniet ndërmjet bashkësive në Komunën e Strugës. Komisioni për marrëdhënie ndërmjet bashkësive i dënon të gjithë aktivitetet dhe ndodhitë që reflektojnë kundër bashkëjetesës në këtë komunë dhe më gjerë duke bërë apel tek të gjithë qytetaret e Komunës së Strugës të jenë të përmbajtur dhe të mos bien preh e provokimeve të ndryshme, të cilat mundet negativisht të ndikojnë në bashkëjetesën në mes të qytetarëve të Strugës.