Kryetari i Republika Srpska në Bosnjë-Hercegovinë, Milorad Dodiq do të qëndrojë sot për vizitë në Maqedoni.

Dodiq i shoqëruar nga kryetarja e Parlamentit të Serbisë, Slavica Gjukiq- Dejanoviq do të takohen me presidentin e vendit Gjorgje Ivanov, kryeministrin Nikolla Gruevski si dhe me kryetarin e Parlamentit, Trajko Veljanovski.  

Dodiq mbërriti në Shkup me ftesë të Partisë Demokratike të Serbëve në Maqedoni, ndërsa ai do të marrë pjesë në shënimin e Shën Savës, festës serbe e cila është festë edhe në Maqedoni dhe që festohet nga pakica serbe. Dodiq konsiderohet si një nga politikanët ekstremistë dhe për tezat e hedhura konfliktuoze dhe të ndarjeve në Ballkan.