Një 20-vjeçare palestineze për dhjetë vjet ka qëndruar e mbyllur në një dhomë të errët me urdhër të babait të saj. I ka mbijetuar errësirës vetëm duke dëgjuar radio, duke imagjinuar dritën e diellit me sytë mbyllur dhe duke kërkuar kënaqësinë në një mollë që hante në ditë.

Baraa Melhem tha se ajo po e shijonte lirinë për herë të parë pas një dekade izolimi dhe kërcënimi për përdhunim dhe abuzim. Melhem u shpëtua nga forcat palestineze të sigurisë të shtunën, pasi motra e nënës së saj biologjike arriti të njoftojë policinë. Babai dhe njerka e saj, të dy arabë nga Izraeli, iu dorëzuan autoriteteve izraelite. Babai, Hasan Melhem, 49 vjeç, pritet të dalë sot para gjykatës. Ai e kishte detyruar vajzën e tij të nënshkruante një deklaratë se nuk donte të shkonte më në shkollë që kur ishte dhjetë vjeçe dhe e kishin mbyllur atë në dhomë me vetëm një batanije dhe një radio, i kishin dhënë edhe një brisk duke e inkurajuar të vriste veten.