Portieri 36-vjeçar, Jose Manuel Pinto ka vazhduar bashkëpunimin me Barcelonën. Spanjolli, i cili tek skuadra katalonase kishte ardhur nga Celta para katër viteve, pas firmosjes së kontratës së re nuk kishte fshehur gëzimin …..

Kampioni spanjoll në fuqi Barcelona, ka vazhduar bashkëpunimin me portierin e saj të dytë Jose Manuel Pinto. Ai në këtë ekip do të jetë deri në mbyllje të sezonit të ardhshëm. Gardiani 36-vjeçar , tek Barcelona kishte ardhur në vitin 2008 nga Celta, ndërsa për skuadrën katalonase në ndeshjet kampionale kishte mbrojtur vetëm në 11 ndeshje. Pinto, I cili për herë të fundit në fanellën e Barcelonës doli në fushë ishte ndeshja e ¼ së finales së Kupës së Mbretit, kundër Realit të Madridit. "Për mua ky është një moment i posaçëm ",  transmeton deklaratën e portierit siti zyrtar i klubit. "Është kënaqësi e madhe të vazhdosh të qëndrosh në këtë klub. Për mua kjo është dhurata më e mirë ", ka përfunduar Pinto.