Kancelarja gjermane Angela Merkel do ta hapë sot Forumin e 42-të ekonomik botëror në Davos i cili do të zgjasë pesë ditë.

Merkel, e shoqëruar nga ministri gjerman i Financave, Volfgang Shojble, do të mbajë fjalim hyrës në hapjen e sotme zyrtare të Forumit, i cili vitin e kaluar ishte hapur nga presidenti rus, Dmitrij Medvedev.
Pritet që këtë vit në Forum,  në të cilin merr pjesë elita botërore politika dhe e biznesit në pushimoren zvicerane alpine të marrin pjesë 2.500 biznesmenë, politikanë, udhëheqës të organizatave  joqeveritare, shkencëtarë dhe gazetarë nga e gjithë bota.
Mes pjesëmarrësve janë drejtoresha e Fondit monetar ndërkombëtar Kristin Lagard, ministri i Financave i SHBA-së, Timoti Gajtner, sekretari i përgjithshëm i Kombeve të Bashkuara, Ban Ki-mun dhe sekretari i përgjithshëm i Ligës Arabe,  Nabil el Arabi. Në Forum  është paralajmëruar edhe pjesëmarrja e kryetrait të Bankës Botërore, Robert Zelik dhe kryetarit të Bankës Qendrore Evropiane, Mario Dragi.