Nicole Scherzinger ka publikuar në Twitter disa fotografi nga pushimi i saj në Meksikë, ku qëndroi për t’u qetësuar pas një viti mjaft stresues.

33-vjeçarja ka qëndruar në plazhet e vendit të njohur për pushime, Punta de Mita Imanta, ndërsa përmes fotografive ka treguar përjetimet e saj dhe ka njoftuar se mezi pret të kthehet në studio dhe të incizojë albumin e saj të ri.

Veç tjerash, këto fotografi dëshmojnë se këngëtarja duket bukur edhe natyrale, pa makijazh.

Në intervistat e mëparshme, Nicole ka deklaruar se e ka të vështirë të punojë në albumin e saj të ri për shkak të angazhimit në ‘X Factor’. Ndërkohë, ajo do të jetë në vazhdimin e tretë të filmit “Man in Black”.