Gjatë një interviste për mediat italiane, trajneri i kombëtares angleze Fabio Capello ka shprehur mendimin e tij lidhur me duelin në distancë ndërmjet Juventusit dhe Milanit për titullin kampion në Itali.

“Antonio Conte i ka motivuar siç duhet futbollistët e tij. Nëse vazhdon kështu, Juventusi mund ta fitojë kampionatin, por ama Milani teknikisht është më superior se bardhezinjtë”, – ka thënë tekniku i njohur italian, i cili më pas ka analizuar në detaje skuadrën e Milanit.

“Allegri ka filluar t’i ndryshojë disa gjëra në klubin kuqezi. Po më pëlqen shumë mënyra se si ai punon. Ndryshimet teknike që bëri, vërtetojnë se është një trajner i guximshëm dhe me ide të larmishme”, është shprehur Fabio Capello.