Këshilltarët komunal të BDI-së në Tetovë e kanë quajtur skandaloz rastin e fundit të rrahjes në të cilin protagonist ishin zyrtarë të Komunës së Tetovës dhe familjarët e një subjekti ekonomik. “ Dështimet e njëpasnjëshme, borxhet kolosale, pamundësia për ti paguar shërbimet operatoreve të ndryshëm ekonomik, kaosi në funksionimin e organeve dhe administratës komunale nga njëra anë dhe presioni të cilin e ndjejnë në këtë vit të fundit të mandatit për shkak të mosrealizimit të gati asnjë premtimi zgjedhor sigurisht se i bën shumë nervoz zyrtarët e komunës dhe i shtynë të ndërmarrin veprime te tilla të pamatura.

Ne si këshilltarë të Këshillit të Tetovës nga radhët  e BDI- së, dënojmë këtë akt  të dhunshëm dhe turpshëm dhe i  bëjmë thirrje Kryetarit te komunës që në suaza të kompetencave të veta të merr masa që  akte  të tilla të shëmtuara të mos përsëritet sepse e
dëmtojnë rëndë jo vetëm imazhin e Komunës së Tetovës  por edhe të gjithë qytetarëve te saj” thuhet në reagimin e Këshilltarëve komunal të  BDI-së në Tetovë.