Lorik Cana ka nisur fazën e rikuperimit pas dëmtimit të rëndë të pësuar në Siena dhe kjo ka sjellë edhe shumë probleme aktivizimi për mesfushorin shqiptar që do të mungojë minimalisht edhe tre muaj.

I cilësuar si një nga blerjet më të mira në merkaton e verës për Lazion dhe një nga lojtarët me më shumë eksperiencë për aventurën e Europa League, Cana u aktivizua titullar në shumë ndeshje europiane.

Por mesfushori kuqezi nuk do ta çojë deri në fund aventurën kontinentale me skuadrën italiane, sepse ai nuk do të përfshihet në listën e Edy Rejas për fazën e dytë të evenimentit.

Vendin e Canës do të zërë mbrojtësi, Stankevicius. Listës i shtohet edhe sulmuesi uruguajan Alfaro që zë vendin e të larguarit Sculli.