Skadoi ultimatumi i Fazli Veliut drejtues qeverisë dhe BDI-së si pjesëmarrëse në Qeveri. Megjithatë kjo nuk është hera e parë kur ultimatumet e ‘Dajës’ nuk përfillen. Ndryshe statusi i ish pjesëtarëve të UÇK-së shpesh herë ka qenë shkak për ultimatume të llojit të këtillë të Fazli Veliut.

Rikujtojmë deklaratën e Veliut dhënë më 21 dhjetor, ku kërkon që përfundimisht brenda një muaji të zgjidhet siç shprehet ai ‘statusi i pazgjidhur i sakrificës së vitit 2001 për shqiptarët konform normave vendore të barabarësisë për t’i fituar të drejtat’. Por kjo nuk është deklarata e vetme e Veliut, ai gjithashtu më 14 gusht, gjatë vizitës në varrezat e Lubotenit, për të nderuar viktimat e konfliktit të 2001, i dha ultimatum subjektit të dalë nga lufta gjegjësisht partisë së tij amë BDI-së që në afat prej tre muajsh të zgjidhë  çështjen e statusit të ish ushtarëve të UÇK-së. Megjithatë rreth ultimatumit të fundit të Fazli Veliut, do të mund të dëgjoni më shumë në emisionin e nesërm ‘Rruga drejtë...’,  ku i ftuar i Muhamed Zeqirit do të jetë pikërisht Fazli Veliu.