Në oborrin e Shtëpisë së Bardhë është hedhur një bombë me gaz lotsjellës. Presidenti Obama në atë kohë nuk ka qenë në rezidencën e tij. Me bashkëshorten e tij Mishel po festonin ditëlindjen e 48-të saj në një restorant në afërsi. Supozohet se bombën e ka hedhur ndonjë nga demonstruesit e lëvizjes “Okupo” të cilët gjatë incidentit ishin grumbulluar para Shtëpisë së Bardhë. “Vazhdojmë më andej. Patjetër t’u tregojmë këtyre njerëzve se nuk i durojmë më tepër veprimet e tyre. Kjo është mënyra jonë e veprimit. Ejani, ta bëjmë atë...”, d deklaroi një demonstrues.

Nuk ka pasur të arrestuar, por shërbimet speciale i kishin detyruar demonstruesit ta lëshojnë territorin. Protestat ishin thirrur nën moton “Okupo Kongresin”. Organizatorët kishin shpresuar se në protesta do të marrin pjesë të paktën 10 mijë protestues, por, sipas mediumeve amerikane, pjesëmarrja nuk ka qenë aq e madhe. Mediumet lokale njoftojnë se sipas hulumtimeve më të reja të opinionit publik, rreth 84 për qind e amerikanëve nuk e miratojnë punën e Kongresit.