Mazhoranaca do të prezantojë sot në Komisionin Parlamentar të Ligjeve nismën e saj për shkarkimin e nënkryetarit të Këshillit të Lartë të Drejtësisë, Kreshnik Spahiu. Nisma e PD-së do të diskutohet në komision, dy ditë pas kërkesës së grupit parlamentar të PD-së e cila u bë me dije nga kryeministri Berisha në mbledhjen e Grupit Parlamentar.

Në takimin e sotëm pritet të jetë i pranishëm dhe nënkryetari i KLD-së, i cili do të jap argumentet e tij në lidhje me çështjet e ngritura nga mazhoranca. Në kërkesën e PD, thuhet se komisioni hetimor do të ketë tre javë kohë për të verifikuar shkeljet e nënkryetarit të Këshillit të Lartë të Drejtësisë në ushtrimin e detyrës së tij.

Spahiu ka deklaruar se do të paraqitet në Komisionin e Ligjeve por ka shtuar se e konsideron gjithë këtë procedurë antikushtetuese pasi nuk vendos Kuvendi për largimin e tij nga detyra.