Këngëtarja Beyonce Knowles dhe bashkëshorti i saj Jay-Z-i kanë dhuruar 100 mijë dollarë për spitalin “Lenox Hill” në Nju Jork, në të cilën këngëtarja ka lindur fëmijën e saj të parë më 7 janar.

Siç bëjnë të ditur mediet amerikane, çifti ka dhuruar këtë shumë parash për këtë spital edhe para se këngëtarja të lindte vajzën.

“Jay Z-i dhe Beyonce kanë dhënë donacion të madh për spitalin para disa muajve, ndërsa ndihma ka qenë mbi 100 mijë dollarë”, ka thënë një burim për medie.

Dhe duket se ky donacion ka bërë që kujdesi ndaj saj të jetë në nivelin më të lartë, derisa dhoma ku ka lindur Beyonce, i ngjante një apartamenti luksoz.