Skuadra e udhëhequr nga Pep Guardiola ka arritur të fitojë edhe sfidën e dytë ndaj Osasunës me rezultat 2-1 (rezultati i përgjithshëm 6-1),për t'u kualifikuar për raundin tjetër të Kupës së Mbretit ku do të ndeshet me Real Madridin,me ndeshjen e parë në Bernabeu e të dytën në Nou Camp.

Të parët në epërsi kaluan vendasit,me golin e Lekic në minutën e 41-të,duke shfrytëzuar një huti në mbrojtje dhe kështu me këtë rezultat 1-0,përfundoi pjesa e parë.Vetëm katër minuta i mjaftoi Barcelonës në pjesën e dytë për të barazuar rezultatin,ku autor i golit në minutën e 49-të ishte Alexis Sanchez me një goditje me kokë,pas krosimit të Adriano.

Ishte minuta e 58-të kur autori i golit për Barcelonën,Sanchez i liroi vendin Lionel Messit i cili u inkuadrua në fushë.Ishte pikërisht argjentinasi i cili asistoi për mrekulli në zonë për lojtarin e ri Sergio Roberto i cili në minutën e 72-të shënoi për rezultatin 1-2 i cili ishte edhe përfundimtar i kësaj ndeshje.