Instituti Ndërkombëtar i Historisë dhe Statistikës së Futbollit ka shpallur kampionatin më i mirë për vitin 2011. La Liga spanjolle ( e cila transmetohet ne ALSAT-M) gjendet në krye të tabelës me 1194 pikë të marra duke lënë pas Premier Ligën Angleze me 1103 pikë. Ndërkohë që surpriza është vendi i tretë i kësaj renditje ku kampionati brazilian ka mundur të mbledhë 889 pikë. 5 vendet e para mbyll Liga portugeze dhe ajo franceze, kurse Bundesliga gjermane nuk arrin të shkojë më larg se vendi i 6 edhe pse është renditur para Seria A. Ky klasifikim aspak i kënaqshëm për futbollin italian ka ardhur si pasojë e rezultateve të arritura nga skuadrat,në garat kombëtare dhe ndërkombëtare. 10 vendet e para përfundojë me kampionatin argjentinas në vendin e 8, atë holandez në të 9-tin dhe kilian në vendin e 10 që mbyll edhe tabelën e klasifikimit.

LPFM-ja e 54-ta në botë

Liga më cilësor e futbollit të Maqedonisë, sipas IFFHS-së është e renditur në pozitën e 54 nga gjithsej 122 kampionate kombëtare të botës. Me 326 pikë LPFM-ja e ndanë pozitën  e 54 me kampionatet kombëtare të Lituanisë dhe Hungarisë, ndërsa është e renditur para Bullgarisë, Shqipërisë, Estonisë, Moldavisë etj. Para kampionatit tonë vendor janë Singapori dhe Tunizi. Ky institucion publikon renditjen e ligës më të fuqishme që prej vitit 1991 dhe vetëm pak ditë më parë kishte shpallur Pep Guardiolën e Xavin përkatësisht si trajnerin dhe fantazistin më të mirë të vitit 2011