Komisari i garave pran Federatës së Futbollit të Maqedonisë, Mile Spirkovski, dha dritë jeshile për kërkesën e klubeve të Ligës së Parë, që sfidat e futbollit elitar ti zhvillojnë të dielën, në vend të ditës së shtunën, siç ishte në 2 sezonet e fundit. Në terminin e së shtunës, me vendimin e ri të FFM-së, do të zhvillohen përballjet e Ligës së Dytë.

Me vendimin e ri, do të ndërpritet pjesëmarrja e futbollistëve që luanin në ekipet e Ligës së Parë, që të luajnë edhe në ekipet e Ligës së Dytë, një ditë më vonë. Në të ardhmen futbollistët e Ligës së Parë, do të mund të luajnë në Ligën e Dytë, vetëm në formë të huazimit për ndonjë klub të Kategorisë së Dytë.