Ministria e Financave njofton se për herë të parë në Republikën e Kosovës bëhet shpallja e Ankandit të Letrave me Vlerë.

“Deri më tani Ministria e Financave në bashkëpunim me Bankën Qendrore të Kosovës dhe në mbështetje nga asistenca teknike e Thesarit të SHBA-së, ka arritur që të përfundojë të gjitha komponentet të cilat kanë qenë të nevojshme për implementimit e letrave si, infrastruktura ligjore, ngritja (trajnimi) e kapaciteteve njerëzore,  si dhe pajisjet e teknologjisë informative, softuer për menaxhimin e letrave me vlerë”, thuhet në njoftimin e Ministrisë së Financave për media.

Në bazë të planifikimeve implementimi i këtij tregu do të filloj sipas shpalljes së Ankandit të Letrave me Vlerë duke filluar nga sot, 10 janar 2012.

Shuma minimale konkurruese në këtë ankand do të jetë 50 mijë euro ndërsa ajo maksimale 10 milionë euro.