Pastori amerikan, i cili dogji një kopje të librit të shenjtë Kurani më 20 mars, akuzoi Islamin si përgjegjësin kryesor për episodet që u shënuan në Afganistan, pas aktit të tij provokues, ku mbetën të vrarë të paktën 16 vetë.

Prifti Teri Jones i bëri thirrje OKB-në dhe forcave amerikane që të ndërhyjnë menjëherë kundër autorëve të incidenteve, duke theksuar se Islami është përgjegjësi kryesor.

“Islami nuk është një fe paqedashëse”, deklaroi nëpërmjet një njoftimi, një grup i vogël kristianësh fanatikë, i cili udhëhiqet nga Jones dhe e ka selinë në Florida.

“Duhet që këta persona dhe këto shtete të marrin përgjegjësitë për gjithë çfarë kanë bërë. Nuk duhet t’i lejojmë më vendet ku dominojnë myslimanët, të shprehin urrejtjen e tyre kundër të krishterëve dhe minoriteteve”, shkruhej në tekst.