4 miliardë euro pritet që të harxhojë Greqia për blerje armatimi luftarak pas marrjes së këstit të radhës nga BE-ja. Ky lajm i cili është zbuluar nga prestigjiozja gjermane “Bild” pritet të kthehet në një skandal nëse rezulton i vërtetë. Në një artikull me titull” Dështakët grekë blejnë avionë luftarakë për 4 miliardë euro” shkruhet: “Në Greqi mbizotëron një kurs i ashpër kursimesh për të siguruar para nga BE. Pagesat sociale dhe pagat janë shkurtuar, taksat janë rritur. Por disa politikanë grekë duket se nuk e marrin seriozisht situatën. Athina kërkon të blejë 60 avionë ushtarakë të rinj për 4 miliard euro- sapo në arkën e tyre bosh të vërshojnë paratë nga BE”

Përvec tyre sipas një liste të gjatë Athina duket se ka ndërmend që sapo të marrë paratë nga BE të shpenzojë çmendurisht për fregata, helikopterë, nëndetëse . Paradoksi përforcohet kur “Bild” thekson një tjetër fakt absurd: Ndonëse është në prag falemintimi ajo është një blerësit më të mëdhenj të armëve në Europë dhe brenda NATO-s vetëm SHBA ia kalon Greqisë për shpenzime të tilla.

Bild nënvizon gjithashtu se  nga këto kontrata të majme ata që do të dalin të fituar do të jenë kompanitë e prodhimit të armëve në Gjermani dhe Francë .