Dëmtimi në shtyllën kurizore e ka lënë Lorik Canën jashtë fushës së futbollit. Sipas mjekëve të ekipit të Lacios duhet të paktën një muaj që mesfushori të marr veten. Dhimbjet e shpinës të cilat i ishin shfaqur pak kohë më parë në një dëmtim iu shtuan gjatë ndeshjes së fundit në kampionat me Sienën. Kjo e detyroi trajnerin që ta zvëndësonte futbollistin kuqezi në pjesën e dytë.

Mediat italiane shkruajnë se ende Cana nuk e ka fituar besimin tek trajneri Reja dhe ky dëmtim në vertebrën e dytë dhe të tretë të shtyllës kurrizore mund të ndikoi negativisht ecurinë e futbollistit të kombëtares shqiptare. Dëmtimi në shtyllën kurrizore mund të lërë jashtë fushe Lorikun dhe për ndeshjen miqësore të kombëtares  në 29 shkurtit me Gjeorgjinë.