Me sa duket, një javë më tepër pushime vlen më shumë sesa jeta e fëmijës tënd…

Të paktën kështu mendoi një pedagoge nga Nju Jorku, e cila sajoi vdekjen e vajzës së saj, me qëllim që të zgjasë lejen e saj të pushimeve edhe 7 ditë të tjera.

Joan Barnett, e cila ishte e punësuar në një shkollë të mesme në Manhattan, për të “fituar” një javë më tepër pushime, shpiki vdekjen e të bijës. Ajo tha se e bija vdiq nga një atak në zemër në Kosta Rika.

Kjo nënë e çuditshme nuk u mjaftua me kaq, por falsifikoi edhe një certifikatë vdekjeje për të bijën, me qëllim që t’ua dorëzojë si justifikim eprorëve të saj.

Por një nëpunës i shkollës e krahasoi certifikatën e vdekjes me certifikatat e vërteta të lëshuara nga administrata e Kosta Rikës, dhe vërejti që kishte disa ndryshime të vogla mes dy dokumenteve.
Oficerë të Kosta Rikës informuan punonjësin e shkollës se vendi i tyre lëshon certifikata të ngjashme vdekjeje vetëm në rast se kalojnë 5 vjet nga vdekja e një personi.

Veç kësaj, Barnett i kishte mbyllur biletat ajrore për në Kosta Rika 3 javë para datës që shkruhej në certifikatë.

Kur u zbulua se vajza e saj gëzon shëndet të plotë, nëna 58-vjeçare humbi vendin e punës dhe tani akuzohet për falsifikim dokumentacioni.