Marin Dokuzovski, në të ardhmen nuk do të ushtrojë detyrën e trajnerit të kombëtares së Maqedonisë në basketboll.

Një marrëveshje për ndërprerjen e bashkëpunimit mes trajnerit dhe FBM-së është arritur në takimin e punës mes Dokuzovskit dhe numrit një të basketbollit vendor Daniel Dimevski.  Këtë lajm e bën të ditur FBM-ja përmes një komunikate në të cilën thuhet se trajneri I deritanishëm Dokuzovski do të jetë këshilltar I trajnerit të ri të kombëtares. Federata e Basketbollit të Maqedonisë deri në fund të muajit do të emërojë trajnerin e ri.