Connecticut, 8 janar 2012, NOA � Duke udhëtuar për në veri të rrugës 49 të qytetit, një banor i rajonit të Konektikatit (Connecticut) në Shtetet e Bashkuara të Amerikës thotë se u befasua kur pa një dritë në formë trekëndore, që lëvizte në ajër në një lartësi të ulët dhe me shpejtësi të lartë.

Objekti i shndritshëm në formë trekëndëshi ndoqi lëvizjen e makinës së tij dhe drita e fortë u pasqyrua në rrugë gjatë lëvizjes së makinës.

Ngjarja e rrallë ndodhi natën e 6 janarit 2012 në një zonë të thellë bujqësore të Konektikatit, raporton agjencia e lajmeve NOA.al.

Banori i zonës e rrëfeu imazhin e UFO-s Trekëndor në faqen online MUFON.

Ai tregon se po kthehej për në shtëpi pas punës dhe nata kur ndodhi mirazhi para syve të tij ishte e kthjellët.

Ai rrëfen se “Unë po ngisja makinën kur vura re një si avion trekëndor tejet të shndritshëm, me ngjyrë blu dhe të bardhë që lëvizte në ajër para makinës sime. Kishte afërsisht ngjyrën e një drite halogjene”, tha ai i befasuar nga pamja e rrallë.

“Objekti i shndritshëm u shfaq befas para syve të mi, dhe fluturonte ulët e me shpejtësi të madhe. Drita erdhi nga lindja mbi horizont dhe shkonte drejt perëndimit. Ajo u bë e ndritshme dhe ndryshoi shumë shpesh ngjyrë deri sa u ngjit mbi kryet e mia dhe vijoi rrugën lart në qiell. Po shihja me vëmendje që të kuptoja se ç’ishte, por në perëndim ajo nuk dukej më. Sakaq, drita e rrallë ishte zhdukur krejt, ndërsa rruga përpara meje ndriçohej nga dritat e zonës”, thotë dëshmitari.