Ditëve të fundit në Tetovë janë shtuar zëra , për mundësinë e tranferimit të parë në skuadrën e Shkëndijës, edhe atë të Armend Alimit si zëvendësues i Izair Eminit.

Nga disa burime mësojmë, se tashmë oferta është dërguar tek lojtari në fjalë dhe ditëve në vijim pritet që Alimi të vendos për destinacionin e radhës të tij.

Armend Alimi tashmë ka prishur kontratën e tij që e kishe me klubin kroat Istra, i cili njlkohësisht ka luajtur edhe për Bashkimin e Kumanovës si dhe Milano.

Tashmë pothuajse është e sigurt edhe largimi i Izair Eminit, i cili pritet që këto ditë të nënshkruajë me klubin korean Inçon, ku Armend Alimi do të ishe një zgjedhje e mirë për të zëvendësuar vendin e tij që do të lirohet. Gjithashtu pritet edhe 2-3 futbollistë të ri të vijnë në Tetovë për të cilët ende nuk tregohen emrat, por sipas të gjitha gjasave, përforcime do të ketë në sulm, pasi që tashmë është dobësuar ky repart pas largimit të Ferhan Hasanit dhe Mensur Kurtishit, si dhe mundësia e largimit të Ersen Sali drejt Gjermanisë./TeLajmi.com/