Kryetari i Bashkimit Demokratik për Integrim, Ali Ahmeti, me rastin e vdekjes të presidentit të mëparshëm të Republikës së Maqedonisë, Kiro Gligorov, në emër të partisë dhe në emrin tij personal, të hënën i dërgoi telegram ngushëllimi familjes së tij.

Presidenti i parë i Maqedonisë së pavarur, qëndron në telegramin, ka merita të mëdha për ndarjen e plotë dhe të qetë të Republikës së Maqedonisë nga ish Jugosllavia pa konflikt që pa dyshim kontribuoi  ndaj shkatërrimit përfundimtar të Jugosllavisë. "Presidenti Gligorov edhe pas pavarësisë u angazhua për ndërtimin e mëtejshëm të shtetit të pavarur si dhe për anëtarësimin e Republikës së Maqedonisë në organizatat ndërkombëtare. Më lejoni që edhe njëherë ta shpreh ngushëllimin tim të sinqertë për humbjen e presidentit Gligorov, emri dhe vepra e të cilit do të mbetet në mënyrë të meritueshme të shkruar në historinë e Republikës së Maqedonisë", thuhet në telegram.